Sinasabing ang buhay ay parang gulong
Minsan nasa itaas ka, minsan nasa ibaba
Ngunit bakit pakiramdam ko’y lagi akong sawi’t talo
Kailan pa kaya iikot ang gulong ng buhay ko?
Iikot pa ba kaya ang nasabing gulong?
O mananatili na lang akong nadadaganan nito?
Ito ba talaga ang kapalaran ko?
O ito ba ang guhit ng palad ko?
Hindi! Hindi ito kapalaran lang
At lalong hindi naman guhit ng palad
Sa halip, ito ang aking buhay
Ang buhay na sa aki’y sadyang ibinigay.
Kaya sa Diyos ako laging mananalig
At sa Kanya manggagaling ang aking lakas
Siya lamang ang lahat-lahat sa akin
Sa puso ko mananatili Siya hanggang wakas.